هوسات ولائيه في عيد الغدير الاغر

اخذ من حيدر الاقدام واخذ الجود
اخذ طيب السجايا وكل فعل محمود
ابو الحسنين هذا المنه ماموجود
دنيانه جابته وحالت
*****
علي اشــتـنشــدني عـنه مولـّع بحبه
اسير وماأزل عن ســــــــچـّته ودربه
علي الحملت بشخصه وطلگت الكعبه
ابنص بيته ربك سواها
*****
ربك من صدك سواها نص البيت
شك الحايط البت اسد رفعة وصيت
انشدك هم شفت نيشانه يلحجـّيت
ايغـطونه رادو بالبرده
*****
بعد لسه الجدار ايخبر الزوار
مناه بت اسد فاتت وصار الصار
وهناه فتح عينه المرتضى الكرار
امسويها من گبله وبعده
*****
منو كبله علي ايشك بيته اله الرحمن
ومنو المثل ام علي موجوده بالنسوان
انولد عيسى بفلاة وامه بت عمران
بيت الله تشرف بالوالي
*****
انشدك راح انشدك ماكو بيها احراج
ليش الله الجدار العلي يفجـّه افجاج
حتى اشما تحج توصل علي الحجاج
ايحجونه لو حجو بيته
*****
علي القرآن ناطق سبب للاسباب
مدينة علم طه وحيدر الها الباب
على الايمان كله البرز بالأحزاب
خلاها مخلوسه وترجف
*****

علي لكمة حلال امشبـّعه الجوعان
علي ثوب العفاف اليچسي كل عريان
علي ماي الزلال اليروي كل عطشان
امخلـّينه وليوم الشده
*****
صحت حيدر امامي واليلـــوم ايـــــلوم
اريد ابعث سلامي للنجف هالــــيوم
جن روحي حمامه اوعالضريح اتحوم
مشتاكه وتريد اتزورك
*****
وصّانه الرسول اولازم انطيعه
وبعـــيد الغديـــــر انجدد البيعه
يالمسلم تعـــال اوبارك الشيعه
أو صافحنه وتهنّه أويانه
*****
تممها الرساله اليوم هادينه
من قال اصبح الكرّاروالينه
افراح اوسعاده هلّت أعلينه
مسروره أو تضحك دنيانه
*****
انشد ماأجاني اعلـــه السؤال جواب
ياهــــــــو للعلم غيرك يداحي الباب
خو كلكم عرفتوا اشكال ابن خطّاب
من بخ بخ بايع مولانه
*****
انابنر ساري السفينه وغارقه لولاه
ياهو الجنت اله مولى علي مـولاه
اعلنهــــا الرسول اويسرته ابيمناه
اوثبّتها لحيدر والينه
*****
على حب حيدر الكـــرّار لمتنه
اورفت بالوصيه اليــــوم رايتنه
نحصلها الشفاعه اوهاي غايتنه
اوتروينه من ماي الكوثر
*****
وصّانه الرسول اولازم انطيعه
وبعـــيد الغديـــــر انجدد البيعه
يالمسلم تعـــال اوبارك الشيعه
أو صافحنه وتهنّه أويانه
*****
رضعنه من المهد حبك يبو الحسنين
او عهد ويّاك بالدم ياعلي اموقعين
يالبسمك تخلّد وانتصر هالدين
والرايه ابزودك مرفوعه
*****

هل عيد الولايـــــــه أوهلّت الانوار
مــن وصّه الرسول أو عيّن الكرّار
خو تدري يشيعي بالوهابي اشصار
تتحسر روحه ومهضومه
*****
عرفنـــه الحق يسير أوياك وانتــه بأمرك اتسيره
أو منو البلكعبه شاف النور والمحراب اخذ عمره
مــــــــــو هالليله بايعناك.... مـــن المهـــــد بالفطره
أو عاهدنه للموت نطيعه
*****
مـاقارن أنا اخجل من يشع اكثر
نور الكمر من يهل نص هاي الارض يزهر
كل الكمر هالليلـــــه مـــــن حيدر علي اتنوّر
أو معكوسه انواره اعلينه
*****
مـاأدري ليش القلب يخفق يريد ايطير
ابطاريك لمن يمر حتى الدليل ايحيــر
غيرك منو اليستحق للدين امير ايصير
بس انته ياحيدر والي
*****
يفرح يهيم القلب مـــــن اذكرك ياعـــلي
أوكل همّه لو بس يمر اسمك عليه ينجلي
وهناك يوم الوعد ويّاي انته أو الــــي
تسكيني من ماي الكوثر
*****
صوانينا ابــورد وبياس مليانــه
واليعشك علي خل يفرح أويانـه
لأن عالي علي أوبالعالي علاّنه
وهنياله ليحبك حيدر
*****