قصيدة لوطني

بصراوي وافتخر الخميس نوفمبر 27, 2008 6:54 pm

مشكله الوطن مابي شعب مرتاح

ومشكله الشعب مايكدر يعوفه

احبك يا وطن لو بيك الف جلاد

وحبك لو جرح كتال ما اروفه

حبك نار بيه واشتعل بالنار

وانه ابنار حبك روحي ملهوفه

تطيب جروح غيرك ياعراق الخير

وانت جروح كلبك لسه مكشوفه

حرامات الوطن ينزف مهج وارواح

وبي قبه علي والوادم تشوفه

يامسلم زمانك والوكت غدار

دشوف اثار مسلم لسه بالكوفه

وعاين عالفرات شسوه بي عباس

شك روحه النهر وانتحرت جروفه

عدنا من الشجاعه امثال تلو امثال

كلها ابشيمه العباس موصوفه

وعدنا اول مضيف معاين الخطار

دك ساسه الحسن من جود معروفه

وياحاتم زمانك والشعب جوعان

خاطر ماكدر فد يوم لضيوفه

يبو عيون الشهل خليني اسولف بيك

واحجيلك عليه شلون سالوفه

عشكتك بالزغر من طحت فوك الكاع

روحي من الطفوله وياك مشغوفه

حبيتك رغم كل الجروح البيك

وقبلت الجفوف الباست اجفوفه

روحي ابحضرتك طافت على الشباج

يا اجمل ضريح الوادم اطوفه

واحلفك يا وطن تمسح دموع الناس

خطيه دموع شعبك تظل دوم مذروفه

السومري الخميس نوفمبر 27, 2008 10:43 pm

واحلفك يا وطن تمسح دموع الناس **** خطيه دموع شعبك تظل دوم مذروفه

شكرا لك يا بصراوي على هذا الابداع والتواصل المستمر

ودمت بود

احمد علي السبت نوفمبر 29, 2008 7:13 am

شكرا لك يابصراوي على هذة القصيدة الجميله لكن في البيت الاخير هناك خطأ في الوزن الشعري:
واحلفك يا وطن تمسح دموع الناس خطيه دموع شعبك تظل دوم مذروفه

والصحيح
واحلفك يا وطن تمسح دموع الناس خطيه دموع شعبك تظل مذروفه
ودمتم...

امير الخلود الإثنين ديسمبر 01, 2008 10:25 pm

عاشت الايادي

امير الخلود الإثنين ديسمبر 01, 2008 10:26 pm

يسلمووووووووووووووووو

ابن الفيحاء الثلاثاء ديسمبر 09, 2008 1:29 pm

واحلفك يا وطن تمسح دموع الناس

خطيه دموع شعبك تظل دوم مذروفه

يسلموووووووووو حبيبي بصراوي قصيدة جميله وكلمات رائعه تسلم هل الانامل انشاء الله نشوف منك جديد بالتوفيق

قصيدة لوطني

قصيدة لوطني

عشت يا بصري

رد: قصيدة لوطني

رد: قصيدة لوطني

رد: قصيدة لوطني

رد: قصيدة لوطني